ceghito tontang kawan [part 1]

 jam 2329

 ari ahad malam senin

depan laptop kat bilik sha

tetibe den ghaso nk buek en3 lam loghat noghori plak..iyo lah.. memandang an den nh memang oghang noghori jati..mako den nk banggo an la bahaso den..

[pado sesapo yg baco en3 nh ta paham, silo2 la comment tanyo yo]

 [hidup noghori..=]

[time kasih kat en.msn sebab bg gmbar nh]

pg tadi den ado taip separuh dah untuk en3 ari nh..tp den ghaso cam maleh nk abih an sobab eh takot melanggar sensitiviti oghang ghamai...

memulo skali den nk gtaw la den suko bonar la ngan satu ayat lam cito nur kasih yang ponah main kek tb 3 maghen [episod 5 kalau ta salah la]... ado satu dialog tuh cmnh la lobeh kurang buynik eh..

 [credit to hafiz adam]

'anak - anak kite nh macam pokok..'

'kiter bg air same byk tp pokok a nh mati jugak..

sebab pokok a tak macam pokok b..

pokok b nk air tp pokok a matahari...'

lobeh kurang camtuh lah dialog eh.. kalau den salah mintak maap lah yo..

den tetibo teringat kek dialog tuh sobab eh malam tadi adek den ado buek hal sikit la..lopeh tuh apo laie..tegompar la satu ghumah..[silo jgn pk adek den buek bondo2 tak senonoh cam termengandung yo]..omak ngan abah den dah mulo memokak la...smpai tpon den semato2 nk mintak numbo tpon adek den nh... ghupo ghupo eh adek nh poie umah kawan baek eh..dio merajuk ngan abang den..beso lah..bebudak laie..baru nk membosar..nk kona dunio..cam den yo maghen..bezo eh zaman den maghen takdo nset2 nh.zaman nijam yo bebudak tadika pown dah pakai nset..adek den nh buleh dikategori kan bega la cam den maghen...abah den lak dah lamo ta buek kojo libeh melibeh nh...agak eh malam tadi tuh dah terlampau goram bonar gak eh..kono la adek nh tali pinggang...ontah lah..den pown tak taw nk koba camno laie dah..abah den nh memang garang oghang eh...tp dah lamo dah dio simpan kojo libeh melibeh nh..kalau tak silap, zaman den maghen last eh..lopeh tuh dah takdo dah..ontah lah..payah nk nasihat budak2 nijam..bilo kito maghah dikoba eh kito tak sayang an dio..bilo manjo an kang dipijak eh kepalo kito..aduyaiii...memang payah lah bebudak zaman nijam...

okeh k..sebonar eh den nk cito pasal kengkawan la...sobab eh malam tadi den ado mesej adek den..den tanyo la apsal poie umah kengkawan dah tongah2 malam..taw apo jawap eh..

'kengkawan atin lg paham atin dr kuarga atin'

agak berasap gak la mato den baco msj tuh..bukan apolah kan..buleh dio koba kogo [famili] tak paham dio..den pown koba la kek dio, abih selamo nh kawan kaw lah yg tolong kaw...den pown slowtalk  la ngan dio..den koba la, kito walau cmno kito kono maghah ko, ko penangan ko ngan kogo kito, kito totap kono utamo an kogo kito...kalau kito susah, xdo doh kawan kaw berio nk nolong...kek kogo kaw jugak la kaw mintak tolong...

ok k...sobut pasal kawan nh kan..den ado satu cito nak share ngan sumo la..

den nh memang goma berkawan..dari sobolom den masuk skolah laie den memang goma berkawan..den ingat laie..maso den masuk darjah 1 den ado kawan sekolah yang selalu kono maghah ngan ustazah bahaso arab..ustazah nh memang garang nk mampuis la..btol..garang eh tu smpai buku kaw jgn lah ado terkelepet sikit pown ujung eh tuh..kalau ado memang ke lantai la jawap eh buku kaw tuh...kawan den yg soghang nh laki la..namo eh yazman..yazman nh memang slalu kono maki ngan ustazah nh..sampai dio takut la bilo time ustazah nh..bukan dio yo..kitorang pown samo gak..yazman nh kalau ta silap sokojap to dio sekolah kek situ..lopeh tuh pindah...agak eh ta tahan lah tuh...

 [kalau buku sekolah toba camnh, engkok badan nak bawak..=p]

masuk darjah duo, den ado kona lak ngan halimah..tp takdo la ghapat na..beso2 yo..time nh ado 1 peristiwo jd kek den..tgn den terseliuh tp xdo la smpai patah..seminggu lak den cuti..sobab eh den jatuh longkang time nk poie ngutip duet ghayo...time darjah tigo lak den dapek masuk klas 3 cerdik...kiro ceghodik gak la..time tuh semangat nk blaja..pekso awal ngan ujung taun den dapek no1..memang banggo la time tuh...naek darjah 4, den dah ghaso den cam pandai bona la, tak blaja bona..last2 pekso dapek no 11..kono maghah ngan mak abah den...naek darjah 5 den dapek klas 5 um..kiro klas dopan la..den ingat laie time tuh..kengkawan den sumo eh bebudak pandai..izati, fendi, zawawi, ihsan, fiqri, ezi, sheiril...ghamai laie sebona eh..tp den dah ta ingat..masuk drjah 6, den dapek duduk sebolah abong ngan fendi...den ingat laie time tuh cikgu mahzan suh kitorang hapal sipir 16..den poie bantai beburak ngan budak 2 ekor nh..last2 cikgu msuk nk tny den langsung tak dapek jawap..budak 3 ekor nh lopeh..ha..hambek kaw..kawan den tuh duo duo pandai...yg den nh blagak pandai..sudah eh den kono dondo pakai sipir gantung kek leher..memang malu yg amat la time tuh...seb baek den nh pustakawan..maso rehat malu nk poie kantin, den poie lepak kek pustakaan walaupown time tuh den tak bertugas..hahaha..

 

[ihsan pakcik google]

maso darjah 6 nh ado satu cito sodeyh jd kek den..time 2 result upsr kluar..den xdo la pandai bona..dapek la 3a2b..tp sobolum tuh, cikgu rahmat koba den dapek 4a1b...mano tak banggo idup kaw..esok eh tuh, cikgu zubaidah lak koba den sebonar eh dapek 3a yo..memang sodeyh amek la time tuh..kono maghah lak ngan cikgu rahmat tuh...malu pown iyo..tp nk buek cmno..sobar yo lah..omak den pujuk koba xdo rezki den lah tuh...huu...

[memang sodeyh mek amek la jam tuh]

mak ai...panjang eh lak cito skolah rondah den..mukadimah eh pown dah panjang berjelo...

ok lah..sok den sambung lak time skolah menongah yo..den nak poie buek kojo jap..pg sok nk kono present...

adiozz..