en3 nh da brapo ari dah teporap kek lam draft...ontah lah den jd ta gahjen plak nk cito laie pasal kengkawan nh..huu..[memulo yo semangat]..beso la kan...memulo memang semangat..lelamo tuh jd cam hampeh lak..dicampur ngan tado idea nk menaip + internet yg cam siput khinzir...
encik celcom, den pown bayar gak la brokben nh...walau den amek student package..tp jgn la smpai dongki kek den sampai den tak ley nk connect langsung kek bilik..huu..
alamak...dah jauh na lak merapu meraban nh...ok k...sambung cito lek...
****************************************
arinh den nk sambung balik ceghito tontang kengkawan nh la..en3 yg lopeh den dah ceghito time sekolah rondah..ok skang den nk cito plak zaman sekolah menongah.. den daftar tingkatan 1 kek sekolah menengah kebangsaan bandar baru serting, jempol n9.. den ado dapek asrama.tp disobab an ta ponah berpisah ngan mak abah den amek keputusan tak nak poie.. so, ari 1st daftar den ta ingat lah camno..yang den taw poie ngan abah..lopeh tuh dongar ceramah.last skali poie boli buku...maghen den dapek klas 1F.. korang jgn plak ingat 1F nh klas blakang walau huruf eh cam terkebolakang yo..sebonar eh kek tompek den ado 3 sekolah rondah n 1 menongah maghen..[nijam dah ado 2 sek menongah].. so, di buek eh lah klas 1a - 1 e dr satu sekolah...1f - 1j dr satu sekolah...1k - 1p dr satu klas..camtuh la lobeh kurang...
******************************
klas den time tuh memang ta ghamai..ta silap den 20 orang yo...6 laki yg lobeh eh tuh perempuan..cikgu tingkatan time tuh ntah sapo ntah..ta ingat dah..yg den ingat cikgu math, sejarah, kh, geo, bi ngan seni yo...yang laen tuh mintak maap lah yo...memori den pown dah low sket la..=]...den ingat laie time nh la den taw yg den nh ado bakat lam sukan..starting ngan merentas deso...den layak poie peringkat daerah...sojak dr arituh cikgu napisah taw den nh buleh poie laie jauh lam bidang nh..[hahha..bapak perasan kenyataan]..tade r..tp starting tuh namo den dah di aim untuk join sukan sekolah..dek terlobeh na berlatih sampai den ta pandang langsung buku...sudah eh time ado ujian den kantoi...den ingat laie den monangih tersodu sodu sobab math den paling rondah lam klas..ta silap den dapek 45% yo time nh..oghang laen sumo dapet 80 % and above...hambek kaw..tuh r..tak nak blaja laie...padan muko den..time nh ontah kenapo ntah den ghaso frust yg teramat la...sodeh bai..oghang lain sumer markah tinggi2..smpai kek den hancus...aduiyaiiii..=[... time nh la den kona syafawati @ pa..sapo dio nh t den cito yo...maso dah ujung taun ado plak bebudak dari klas k [kalau ta silap den la kan] masuk klas den...mak aiii..berubah toghus klas time tuh...memokak yo kojo eh...huu...tp den ghaso tingkatan 1 nh best la..beso lah..bebudak baru masuk skolah menongah an...=]
me n syafa open house 2 taun lepas..=]
*******************************
naek tingkatan duo plak den dapek klas 2 c..kiro pandai sikit lah kan..hee..=]..time nh den jumpo laie kawan..maizura, muna, ina,azie ngan pa...kiro eh kitorang beronam nh memang kamcing la...kemano poie pown mesti skali la..tp lo6a tu peh yo den eksiden ngan azie kitorang terus ta rapat..cam ader gap je antaro kitorang nh sampai lah arinh...
******************************
bilo masuk tingkatan 3 tingga la kitorang berlimo..okeh la...time nh den memang rapat ngan ina n syafa...taun nh pown den raso taun paling sodeyh den..cikgu yang den sayang iaitu cikgu napisah...cikgu nh pindah ke kolantan..meraung den time dapek taw tuh...=(...time nh den amek pekso pmr...sebolom keputusan kuar mlm tuh den mimpi..dapek 6a2b..mak aii..banggo eh lak...tp lam mimpi yo lah..keputusan sebonar eh 1a6b1c...huu..buleh plak 6a tuh bertukar jd 6b..hee..kengkawan yg laen sumo ok la result eh..beso la den nh kan bega..so, result pown bega la..hee...
**********************************
masuk form4 den dapek masuk klas sains tulen...hahaha..den pown cam tak cayo yo dapek klas sains..hahah...memulo poie klas 4b, lopeh dah ramai yg pindah poie teknik den kono trnsfer ko 4a....start taun nh den rapat dah ngan mai ngan pa yo..yg laen2 sumo dah poie asrama..sian kek den..seb baek ado budak 2 org nh..huu...tp den ta brapo ingat bona la time nh...masuk tingkatan 5 toghus la yo..hee..=]..time nh best bona..mano tak eh, klas kitorg kek blakang...area2 padang..hahha..best oo...kalau memokak tak dongar smpai opis pown..hahha..time nh memang best la..kengkawan yg sgt2 best terutama mai ngan ayu..ha, lupo plak..masuk taun nh den dah mulo ngam ngan ayu n mai..ye r ngan pa ta same klas..tp still ngam ag waktu potang..[g ukur jalan kat serting smbil abes an minyak motor abah]..nie kire xtvt wajib aku ngan pa r..hee...bg den la, taun nh memang banyak tingga an memori buek den la..traso yg kitorg satu klas nh rapat bebona..dah teraso cam adeq beradeq la plak..ujung taun kitorg amek spm..lopeh spm sumo buek haluan memasing...ilang camtuh yo kecuali pa...ntah la...mungkin salah den yo..tp ontah la...payah kalau nk koba...den ngan pa still kawan...memang baek bebona la time nh...
*************************************
lopeh result kuar, den dapek poli merlimau...membe yg laen2 sumo dapek matrik ngan u..time nh den sodeyh bebona..yo lah..ghaso nyosa pown yo sobab tak blaja pepandai..[padan muko den]..tp den tekad an semangat den nk blaja sesungguh...kek merlimau den amek course elektronik komputer...ghamai kengkawan den jumpo kek cnh...time nh den rumet ngan budak kodah..eikin namo eh..nak cito pasal rumet nh pjg bona..[t den buek 1 en3 pasal bebudak merlimau nh...] kek klas den kona ayu, lieya, wani, pian, bob, syafiq n ghamai laie...sesume eh nh best la..tp den study kek cnh tak lamo..sobab eh, den dapek masuk alam [akademi laut malaysia]..disobab an terlampau excited den toghus amek keputusan quit merlimau..[keputusan paling bangang den ponah buek]..
time nk daftar kek alam nh den dah ghaso laen macam..ntah r..den ghaso keputusan den nh salah...tp den ikut an jugak kato ati...den poie yo...lopeh dah toghuk kono blasah time induction week den masuk klas...[padahal 2 ari yo pown kono induction week...hahaha]...time kek klas den memang tak buleyh nk tumpu an perhatian langsung..ntah la..den ghaso cam ado bondo tak kono n den ghaso den buek keputusan salah..ateh nasihat kawan den, nazirul syafiq den buek solat istikharah...1st time nh den buek...alhamdulillah...den ghaso tonang setonang eh lopeh buek solat tuh...dan den ghaso keputusan yg paling topat skali adolah quit alam...memang tuh la den ghaso setopat2 keputusan...so, den pown poie la admin tuk koba an den nak quit..time nh alang, along, acu ngan omak den yo yg dtg jomput den..abah den memang maghah bebona la..mano tak eh..masuk sano boghonti, masuk sini boghonti..bilo nk sudah eh..ngabih an duet adolah...aduyai...
****************************************
lopeh den boghonti alam, den jadi la petani hampeh..tanam anggur tp tak ponah an bebuah...hahaha...den nk kojo abah tak bg...sudah eh den apply poli laie skali..kalinh den dapek poli perlis...humang aih...jauh tuh...memulo tuh memang semangat nk poie sini...dah smpai pown ok la..den jumpo kawan baru...den kona ngan ecah...maso minggu orientasi den dah mulo meghaung da...ghaso nk boghonti laie..seb bek ecah ado...den kuek an semangat...smpai ado 1 tahap den memang dah tak tahan bona da..den poie jumpo pa den...pa nh bukan personal assistant cam artis tuh, pa nh penasihat akademik...kiro macam guru tingkatan la...dio smash den kaw2 punyo smpai den insaf nk abes an pengajian kek sini..huu...kek sini den kona mcm2 oghang dah...dari sem 1 smpai sem 5..kawan yg paling setio ngan den dah tontu tontulah ecah..thanx cahh...den poie praktikal kek fineArt den jumpo laie kengkawan yg best...den masuk sem 6 den tak jumpo sapo kawan sebonar eh...sobab tuh bilo ado cuti memang den nk balik umah...tanak duk sini..ntah lah...kawan nh macam2 ragam eh...kito kono paham bukan sumo oghang tuh macam kito....hurmmm....apo pown insyaALLAH kalo tado apo2 halangan bulan 5 nih den akan tamat an pengajian den..Insya ALLAH..doa2 kan lah yo...
**********************************************
hurmmm..abeh dah den ceghito...tp apo kono mengono ngan tajuk en3 [sini] ..ontah lah..arituh kemain semangat nk kait an kawan ngan famili...sudah eh hampeh yo...okeh k..kesimpulan yg dapek den buek la kan...den berkawan ghapat ngan pa dr tingkatan 2..lopeh spm abih sumo tuh..den ngam ngan mai, tp tuh sumo cito lamo...skang nh yg boto2 den ghaso kawan baek den adolah akak den sendiri, famili, ecah ngan bebudak FineArt....apo sobab eh den koba camtuh...sobab eh time den susah ta kiro cmno lah, akak n famili den yg akan tolong..kawan nh kojap yo..time kito sonang, beghobut lah yg nk datang...cubo time kito susah..nak mintak tolong..kemain payah eh...ontah lah...den kalau buleh den nk kawan ngan sumo oghang..sobab eh..bg den, sekali bekawan smpai bebilo den akan ingat oghang tuh...
my beloved famili..=]
kawan smpai syurga..insyaALLAH..=]
u teach me about frenzship, frenz!!!
*******************************
skali lupo lak den nak koba taip kek cnh...kengkawan blogger pown besh jugak..bukan sobab nk puji suh diorang baco blog den nh, tp den ghaso diorang nh laie jujur kek cnh...tak ponah kona, tp buleh botogur kalau memasing togur kek blog...*apo ayat den nh*
den ghaso korg sumo paham lah kot...
'frenz...come n go'
ME ???
never!!!
i'll stay as long as u want me to be ur frenz..
Insya ALLAH....
sekian..
adioz....
0 kutukan sopan diterima:
Post a Comment